مازار

طهراندا یاشایان اوچ دلقک اوچون!!

ماراغالی میرزه حسین كريمی  

اوردا دئییرسن ادب ارکانی سان

معرفتین جوهری سن، کانی سان

مملکتین دلقکی، دوزدانی سان

سن ادبی، معرفتی قانمی سان

اوچ دنه دلقک آتیسان مئیدانا

اوینویا تهراندا، بیزه قیرجانا

عقلینی وئرمیش اوچوده شئیطانا

یولدان آزیب شئیطانا آللانمیسان

تورک لری کیملر یئرینه قویموسان؟

موفته یئره سن اؤزونو یورموسان

هئچ بیلیسن کیملن اویون اوینوسان؟

سن هله تورک کیمدی اونو قانمیسان

تورک ایگیدی، مین جان آلار بیر جانا

تورک دی کی جان یاندیريردی ایرانا

اولماسا تورک، ایران اولار ویرانا

سن نئجه خامسان بو سؤزو قانمیسان؟